Ալեն Սիմոնյանի եղբայրը դատարանի բակից հրաժարվեց կնոջ կալանքի մասին խոսել

ԱԺ նախագահ Ալեն Սիմոնյանի եղբայր Կառլեն Սիմոնյանը Հակակոռուպցիոն դատարանի բակում էր։ Factor.am-ը փորձել էր նրա կնոջ՝ Անի Գևորգյանի կալանքի վերաբերյալ տեղեկություն ստանալ, սակայն Կառլեն Սիմոնյանը հրաժարվել էր պատասխանել հարցերին։

«Մեկնաբանություն չունեմ»,-ասաց նա, խուսափելով պատասխանել՝ արդյոք նրա կնոջ ձերբակալությունը կապ ունի՞ Էկոնոմիկայի փոխնախարարի ձերբակալման գործի հետ։

Նշենք, որ, ըստ տեղեկությունների, Քննչական կոմիտեն Անի Գևորգյանին երկու ամսով նախնական կալանման միջնորդություն է ներկայացրել։

Գևորգյանն աշխատում էր «Սիներջի» ընկերությունում և, ըստ մամուլի, կազմակերպությունը համագործակցել է Էկոնոմիկայի նախարարության հետ, որտեղ էլ երեկ ձերբակալություններ ու խուզարկություններ էին ընթանում։