Պաշտպանական համագործակցությունը հարվածի տակ է հայտնվել․ Չինաստանի ՊՆ
Չինաստանի կառավարությունը չի հրաժարվի ուկրաինական հակամարտության հարցում Ռուսաստանի աջակցությունից՝ ի հեճուկս Վաշինգտոնի ճնշումների և Եվրոպայի հետ վտանգված համագործակցության: Նման հայտարարություն է արել Չինաստանի պաշտպանության նախարար Դուն Ցզյունը։
«Նույնիսկ Չինաստանի եւ Եվրամիության միջեւ պաշտպանական համագործակցությունը հարվածի տակ է հայտնվել, բայց մենք դրա պատճառով չենք փոխի կամ կհրաժարվենք սահմանված քաղաքականությունից»,- նշել է նա Ռուսաստանի պաշտպանության նախարար Սերգեյ Շոյգուի հետ բանակցությունների ընթացքում:
Ինչպես փոխանցում է ՏԱՍՍ-ը ՉԺՀ պաշտպանության նախարարի խոսքերը, Արևմուտքը չի կարող խանգարել Ռուսաստանի և Չինաստանի բնականոն համագործակցությանը:
Ավելի վաղ Դուն Ցզյունը հայտարարել էր, որ Պեկինն ու Մոսկվան պետք է կարևոր դեր խաղան աշխարհում կայունության պահպանման գործում:
