Ֆրանսիան շներ կուղարկի Ուկրաինա
Ֆրանսիան Ուկրաինա կուղարկի չորս փրկարար շուն մարմիններ փնտրելու համար: Այս մասին հայտնում է France Bleu պարբերականը։
Նշվում է, որ շներին Ուկրաինա կուղարկեն փետրվարի 7-ին, որտեղ նրանց կօգտագործեն շենքերի ավերակներում ռմբակոծությունների զոհերին որոնելու համար: Ուկրաինացի կինոլոգները մի քանի շաբաթ մարզվել են շների հետ՝ շների վարժեցումը կատարելագործելու և նրանց հետ մերձենալու համար՝ որոնողական գործողությունների առավելագույն արդյունավետության համար:
Ավելի վաղ Ֆրանսիայի Ազգային ժողովի պատգամավոր և «Ոտքի, Ֆրանսիա» քաղաքական շարժման առաջնորդ Նիկոլա Դյուպոն-Էնյանը հայտարարել էր, որ Արևմուտքը, զենք մատակարարելով Ուկրաինային, ոչ թե պաշտպանում է հանրապետությունը, այլ ոչնչացնում է այն: Քաղաքական գործչի խոսքով՝ Վլադիմիր Զելենսկին շարունակում է հակամարտությունը ԱՄՆ-ի ցուցումով, «որը միայն ուրախ է տեսնել, թե ինչպես է Եվրոպան փլուզվում»:
