Երբ կարող է սկսել Կարմիր ծովում ԵՄ ռազմածովային առաքելությունը
Եվրամիության արտաքին քաղաքական ծառայության ղեկավար Ժոզեպ Բորելը նշել է Կարմիր ծովում եմ ռազմածովային առաքելության մեկնարկի հնարավոր ամսաթիվը: Այս մասին հայտնում է ՌԻԱ Նովոստին։
Նրա խոսքով՝ դաշինքի առաքելությունը կարող է սկսվել փետրվարի 17-ին։ Առաքելության խնդիրների թվում են նավերի ուղեկցումը, անօդաչու թռչող սարքերի եւ հութիների հրթիռների որսումը:
Մինչ այդ Financial Times թերթը գրել էր, որ Ֆրանսիան, Գերմանիան եւ Իտալիան կոչ են արել Եվրամիության մյուս երկրներին դիտարկել Կարմիր ծովում առաքելությանը մասնակցելու հնարավորությունը եւ իրենց ներդրումն ունենալ նավագնացության անվտանգության ապահովման գործում, սակայն առաջարկել են օգտագործել Մերձավոր Արեւելքում արդեն գործող առաքելությունը:
Երեք երկրների հայտարարության մեջ նշվում է, որ առաքելությունը կարող է գործարկվել ԵՄ պայմանագրի 44-րդ հոդվածի համաձայն, որը թույլ է տալիս մի խումբ երկրների հանձնարարություն կատարել միավորման մյուս երկրներին:
