Անահիտ աստվածուհուն Հայաստանում վաղուց էինք սպասում․ Սիմոնյան
Այսօր հայտնի դարձավ, որ 2024 թվականի սեպտեմբերին Երևանում առաջին անգամ ցուցադրվելու է Բրիտանական թանգարանում պահվող Անահիտ աստվածուհու բրոնզե կիսանդրին: Այս մասին իր տելեգրամյան ալիքում գրել է Ազգային ժողովի նախագահ Ալեն Սիմոնյանը։
«Ուրախ եմ, որ մեզ հաջողվեց իրականություն դարձնել երկար ժամանակ քննարկված այս նախաձեռնությունը: Անահիտ աստվածուհուն Հայաստանում վաղուց էինք սպասում»,- գրել է նա:
Հիշեցնենք, որ ՀՀ զբոսաշրջության կոմիտեից հայտնել էին,որ «Հայաստանի պատմության թանգարան» ՊՈԱԿ-ի և Բրիտանական թանգարանի միջև ձեռք բերված պայմանավորվածության շնորհիվ Երևանում ցուցադրվելու է Բրիտանական թանգարանում պահվող «Անահիտ դիցուհու» արձանը։ Ցուցադրությունը տեղի կունենա 2024 թվականի սեպտեմբերին:
