Պակիստանի նախկին վարչապետը դատապարտվել է 10 տարվա ազատազրկման. հայտնի է պատճառը

Պակիստանի դատարանը երկրի նախկին վարչապետ, «Շարժում հանուն արդարության» ընդդիմադիր կուսակցության առաջնորդ Իմրան Խանին եւ նույն կուսակցության փոխնախագահ, արտաքին գործերի նախկին նախարար Շահ Մեհմուդ Քուրեշիին դատապարտել է 10 տարվա բանտարկության պետական գաղտնիքի մասին օրենքը խախտելու համար։ Այս մասին տեղեկացրել է Geo TV հեռուստաալիքը, հայտնել է ՏԱՍՍ-ը։

Դատավճռի մասին հայտարարել է հատուկ դատարանի դատավորը Ադիալա բանտում (Ռավալփինդի), Խանի եւ Քուրեշիի ներկայությամբ։

Խանի հանդեպ քննությունն սկսվել էր այն բանից հետո, երբ 2022թ. մարտի 27-ին նա հրապարակայնորեն հայտարարել էր, որ գաղտնագրված հեռագիր է ստացել Վաշինգտոնում Պակիստանի դեսպանից, որում, քաղաքական գործչի խոսքով, նշված էր, որ ԱՄՆ ներկայացուցիչները դիվանագիտական առաքելության ղեկավարի հետ զրույցում «խորհուրդ էին տվել իշխանությունից հեռացնել վարչապետին Ուկրաինայի հարցում ռուսամետ դիրքորոշման համար, որն ի ցույց էր դրվել 2022թ. փետրվարին նրա Մոսկվա կատարած այցի ժամանակ»։

Խանը Պակիստանը կառավարությունը գլխավորել է 2018-2022թթ.։