Հնդկաստանը հրաժարվում է ռուսական զենքից
Հնդկաստանը ձգտում է հրաժարվել ռուսական զենքից և վերակողմնորոշվում է դեպի արևմուտք։ Այս մասին հայտնում է Reuters գործակալությունը։ Տեղեկությունը փոխանցում է gazeta.ru-ն:
«Մենք դժվար թե Ռուսաստանի հետ որևէ խոշոր ռազմական գործարք ստորագրենք։ Դա կարմիր գիծ կլիներ Վաշինգտոնի համար»,-հայտարարել է Ռուսաստանի հարցերով փորձագետ Նանդան Ունիկրիշնանը Նյու Դելիում Observer Research Foundation վերլուծական կենտրոնում։
Ստոկհոլմի խաղաղության խնդիրների հետազոտությունների միջազգային ինստիտուտի տվյալների համաձայն, որը մեջբերում Է գործակալությունը, 20 տարվա ընթացքում Ռուսաստանն ապահովել է Հնդկաստան զենքի մատակարարումների 65% - ը: Մոսկվան Նյու Դելիին առաջարկում է ժամանակակից ուղղաթիռների և կործանիչների մատակարարում, սակայն Հնդկաստանը չի ձգտում ընդունել այդ առաջարկները և հակված է Վաշինգտոնից զենք գնել, գրում Է Reuters-ը:
Նշվում է, որ Հնդկաստանը ձգտում է զգույշ գործել, որպեսզի չհրահրի ՌԴ-ի և ՉԺՀ-ի հետագա մերձեցումը:
Հնդկաստանի և Ռուսաստանի արտաքին գործերի և պաշտպանության նախարարությունները չեն պատասխանել գործակալության հարցումներին:
Մինչ այդ Հնդկաստանի նավահանգիստների, նավագնացության և ջրային ուղիների նախարար Սարբանանդա Սոնովալը հայտարարել էր, որ Հնդկաստանի և Ռուսաստանի երկկողմ առևտուրը 2024 թվականին կարող է գերազանցել 2023 թվականի բարձր ցուցանիշները։ Անցած տարվա արդյունքներով երկու երկրների միջև ապրանքաշրջանառությունը կազմել է 50 մլրդ դոլար։
