Պաշտոնական Բաքուն նման գործողություններն անպատասխան չի թողնի. Բայրամով
Ադրբեջանի արտգործնախարար Ջեյհուն Բայրամովը հայտարարել է, որ Բաքվի և Փարիզի հարաբերություններն այսօր գտնվում են ամենացածր մակարդակի վրա: Տեղեկությունը փոխանցում են ադրբեջանական լրատվամիջոցները:
Նախարարի խոսքով՝ հենց Ֆրանսիայի գործողություններն են հանգեցրել նրան, որ երկու երկրների հարաբերություններն այսօր հասել են նման ճգնաժամային մակարդակի:
Բայրամովն ընդգծել է, որ Ֆրանսիան անմիջականորեն հանդիսանում է Ադրբեջանի նկատմամբ այսօրվա կանխակալ վերաբերմունքի գլխավոր նախաձեռնողը: Պաշտոնական Բաքուն նման գործողություններն անպատասխան չի թողնի, հավելել է նախարարը։
