Էրդողանն Իսրայելին կոչ Է արել անհապաղ դադարեցնել հարձակումները Գազայի վրա

Թուրքիայի նախագահ Ռեջեփ Թայիփ Էրդողանը ՄԱԿ-ի Միջազգային դատարանի որոշումից հետո Իսրայելին կոչ է արել անհապաղ դադարեցնել Գազայի վրա հարձակումները: Տեղեկությունը փոխանցում է ՌԻԱ Նովոստին:

Հաագայում ՄԱԿ-ի Միջազգային դատարանը ուրբաթ միջանկյալ որոշում է կայացրել ՀԱՀ-ի հայցով՝ խնդրելով ժամանակավոր միջոցներ ձեռնարկել Իսրայելի դեմ՝ Գազայի հատվածում ենթադրյալ ցեղասպանության պատճառով: Դատարանը պարտավորեցրել Է Իսրայելին ձեռնարկել բոլոր միջոցները Գազայի հատվածում ցեղասպանությունը կանխելու համար, պատժել պաղեստինցիների նկատմամբ ցեղասպանության կոչերի համար, ապահովել այդ շրջանի բնակիչներին մարդասիրական օգնության տրամադրումը, ինչպես նաեւ ապահովել պաղեստինցի ժողովրդի նկատմամբ գործողություններ կատարելու մեղադրանքների հետ կապված ապացույցների պահպանումը, որոնք նկարագրված են Ցեղասպանության մասին կոնվենցիայում: Ընդ որում, դատարանը չի պարտադրել Իսրայելին դադարեցնել ռազմական գործողությունը Գազայի հատվածում, ինչի մասին խնդրել էր ՀԱՀ-ն իր հայցում:

«Մենք ևս մեկ անգամ կոչ ենք անում Իսրայելին անհապաղ դադարեցնել զանգվածային սպանությունները՝ լսելով միջազգային հանրության ձայնը»,- ասել Է Էրդողանը` այսօր ելույթ ունենալով Իզմիրում: