Բայրամովը` Հայաստանի և Ադրբեջանի սահմանագծման հանձնաժողովների առաջիկա նիստի մասին
Սպասվում է, որ առաջիկայում տեղի կունենա Հայաստանի և Ադրբեջանի միջև սահմանազատման և սահմանագծման հանձնաժողովների հերթական հանդիպումը։ Այս մասին լրագրողներին ասել է Ադրբեջանի արտաքին գործերի նախարար Ջեյհուն Բայրամովը: Տեղեկությունը փոխանցում են ադրբեջանական լրատվամիջոցները:
Նա ընդգծել է, որ Ադրբեջանի և Հայաստանի միջև հարաբերությունների հետկոնֆլիկտային կարգավորման հետ կապված կարևոր բաղադրիչներից մեկը պետական սահմանի որոշման հարցն է:
Հիշեցնելով, որ անցած տարեվերջին սահմանին տեղի է ունեցել երկու երկրների փոխվարչապետների գլխավորած պատվիրակությունների հանդիպումը, Ջեյհուն Բայրամովը նշել է, որ առաջիկայում սպասվում է ևս մեկ նման հանդիպում:
Հիշեցնենք, որ նախորդ հանդիպումը տեղի էր ունեցել նոյեմբերի 30-ին:
