ԱՄՆ-ը հավանություն է տվել Թուրքիային Ֆ-16-ների վաճառքին

ԱՄՆ Սենատի արտաքին հարաբերությունների հանձնաժողովի նախագահ Բեն Քարդինը հավանություն է տվել Թուրքիային Ֆ-16 կործանիչների վաճառքին ՆԱՏՕ-ին Շվեդիայի անդամակցությունը վավերացնելու Անկարայի որոշումից հետո, ասվում է կոմիտեի հայտարարության մեջ: Տեղեկությունը փոխանցում է ՌԻԱ Նովոստին:

«Այսօր Սենատի արտաքին հարաբերությունների հանձնաժողովի նախագահ Բեն Քարդինը ողջունել է Թուրքիայի կողմից ՆԱՏՕ-ին Շվեդիայի անդամակցության վավերացումը և հայտնել, որ այժմ կթույլատրի Թուրքիային Ֆ - 16 կործանիչների վաճառքը», - ասվում է հրապարակված հաղորդագրության մեջ:

Նշվում է նաև, որ Քարդինը մտահոգություն է հայտնել Հունգարիայի կողմից ՆԱՏՕ-ին Շվեդիայի անդամակցության ճանապարհին խոչընդոտների կապակցությամբ:

«Վարչապետ Վիկտոր Օրբանը հերթական անգամ իրեն ցույց տվեց ՆԱՏՕ-ի ամենաքիչ հուսալի անդամը, ինչպես նաև վնասատուի դեր խաղաց Ուկրաինային այդքան անհրաժեշտ տնտեսական օգնություն տրամադրելու Եվրամիության ջանքերում», - հավելել Է Քարդինը:

Ֆինլանդիան և Շվեդիան 2022 թվականի մայիսին Ուկրաինայում տեղի ունեցած իրադարձությունների ֆոնին դաշինքին անդամակցելու հայտ են ներկայացրել։ Ֆինլանդիան ապրիլի 4-ին դարձավ ՆԱՏՕ-ի 31-րդ անդամը։ Էրդողանը պաշտոնապես հաստատել է Թուրքիայի կողմից Շվեդիայի անդամակցությունը ՆԱՏՕ-ին: թուրքական խորհրդարանի կողմից հավանության արժանացած արձանագրության վավերացումը հաստատելու մասին հրամանագիրը հրապարակվել է կառավարության պաշտոնական տեղեկագրում: Թուրքիայից հետո Շվեդիայի հայտին մնացել է հունգարական հավանություն ստանալ։