ՌԴ-ն մի քանի անգամ ավելացրել է սպառազինության արտադրությունը․ Շոյգու
Ռուսաստանում 2023 թվականին կարողացել են մի քանի անգամ ավելացնել զենքի և զինամթերքի արտադրությունը։ Այս մասին հայտարարել Է Սերգեյ Շոյգուն ռազմական արտադրանքի ընդունման մեկ օրվա ընթացքում։ Տեղեկությունը փոխանցում է gazeta.ru-ն։
Պաշտպանության նախարարը պատմել է, որ անցած տարի սեղմ ժամկետներում, առանց աշխատանքների որակի կորստի, հաջողվել է հանձնել օբյեկտներն Ուկրաինայում հատուկ ռազմական գործողության, ռազմական և հատուկ նշանակության կարիքների համար: Նրա տվյալներով՝ ընդհանուր առմամբ կառուցվել է 2772 շենք և շինություն։
Նա նշել է, որ ամեն ինչ Ռուսաստանի Պաշտպանության նախարարության և պաշտպանական-արդյունաբերական համալիրի ձեռնարկությունների արդյունավետ աշխատանքի շնորհիվ է:
Նրա խոսքով՝ երկրի մարտական հնարավորություններն աճում են, իսկ սպառազինությունների արտադրության ոլորտում հաջողություններին օգնել են հզորությունների ընդլայնումն ու արդիականացումը, ինչպես նաև աշխատանքի արտադրողականության մակարդակի բարձրացումը: Նա հավելել է, որ շատ ձեռնարկություններ շահագործման են հանձնել նոր արտադրամասեր, գծեր և հատվածներ, որոնք ունեն բարձր տեխնոլոգիական սարքավորումներ:
