Մենք սպասում ենք ԱՄՆ-ի գործողություններին․ Էրդողան
Թուրքիան ՆԱՏՕ-ին անդամակցելու Շվեդիայի հայտի վավերացումից հետո Անկարային Ֆ-16 կործանիչներ և արդիականացման հավաքածուներ վաճառելու հարցով ԱՄՆ-ի հաջորդ քայլին է սպասում: Այս մասին հայտարարել Է Թուրքիայի նախագահ Ռեջեփ Թայիփ Էրդողանը։ Տեղեկությունը հաղորդում Է Reuters-ը։
Ըստ Էրդողանի՝ Թուրքիայի արտգործնախարար Հաքան Ֆիդանը սերտորեն համագործակցում է իր ամերիկացի գործընկեր պետքարտուղար Էնթոնի Բլինքենի հետ այս հարցի շուրջ:
«Մենք սպասում ենք ԱՄՆ-ի գործողություններին»,- ասել Է Էրդողանը։
Ավելի վաղ ԱՄՆ նախագահ Ջո Բայդենը դիմել էր ամերիկյան Կոնգրեսին՝ խնդրելով անհապաղ հավանություն տալ Թուրքիային Ֆ-16 ինքնաթիռների վաճառքին: Նշվում է, որ Անկարան 2021 թվականից ձգտել է 40 կործանիչ և 79 հավաքածու գնել իր նավատորմի արդիականացման համար, ինչը հնարավոր կլինի Էրդողանի կողմից Հյուսիսատլանտյան դաշինքին Շվեդիայի անդամակցության վավերացման հաստատումից հետո:
