Հայաստանն ու Վրաստանը ռազմավարական գործընկերության մասին համաձայնագիր են կնքել
Վրաստանն ու Հայաստանը ռազմավարական գործընկերության մասին համաձայնագիր են կնքել: Այս մասին հայտարարել է Վրաստանի վարչապետ Իրակլի Ղարիբաշվիլին:
Հիշեցնենք՝ ՀՀ Վարչապետ Նիկոլ Փաշինյանը Թբիլիսի Է ժամանել այսօր։ Այցի ընթացքում տեղի կունենա վրաց-հայկական միջկառավարական տնտեսական հանձնաժողովի նիստը՝ երկու երկրների վարչապետների գլխավորությամբ:
«Մենք դրա վրա աշխատել ենք վերջին ամիսներին և դեռ անցած գարնանը հայտարարել էինք, որ ռազմավարական գործընկերության մասին հուշագիր կստորագրենք։ Մենք պատմականորեն շատ ուժեղ դաշնակիցներ ընկերներ ենք, ոչ միայն հարևաններ, մենք լավ գործընկերություն և համագործակցություն ունենք բոլոր ուղղություններով և, կարելի է ասել, դե ֆակտո արդեն ռազմավարական գործընկերներ ենք եղել, և հիմա դա պաշտոնապես ձևակերպվել է։ Այսօր մենք ստորագրել ենք ռազմավարական գործընկերության մասին համաձայնագիր»,- հայտարարել Է Ղարիբաշվիլին։
Վրաստանը և Հայաստանը դիվանագիտական հարաբերություններ են հաստատել 1992թ. հուլիսին: Երկրները համագործակցում են առևտրի, տրանսպորտի, էներգետիկայի և զբոսաշրջության ոլորտներում։
