«Այս իշխանությունների օրոք չեմ շարունակելու աշխատել նրանց ենթակայության տակ». Աննա Մանուկյանը հրաժարական է տվել

«Հայաստան համահայկական հիմնադրամ»-ի` աշխատանքից ազատված, ապա դատարանի որոշմամբ նուն պաշտոնին վերադարձած աշխատակից Աննա Մանուկյանը գրել է. «Այսօր իմ դիմումի համաձայն ազատվել եմ «Հայաստան» համահայկական հիմնադրամ»-ում զբաղեցրածս պաշտոնից։ 1,5 տարի տևած դատավարությունից հետո աշխատանքի ներկայացա մի քանի օր։ Այս իշխանությունների օրոք չեմ շարունակելու աշխատել նրանց ենթակայության տակ գտնվող որևէ կառույցում, այն էլ դաշնակահար-նախագահի հետ նույն հարկի տակ, որտեղ հաճախ լինում է նաև վարչապետ կոչեցյալը։

10 տարի շարունակ Հիմնադրամում ձեռքբերածս հմտությունները, իմ ողջ ներուժն ու աշխատասիրությունը կխնայեմ այս իշխանություններից ազատագրվելուց հետո մեր երկրի վերականգման և բարգավաճման գործին օգտակար լինելու համար։ Լիահույս եմ, որ ԳԱԼՈՒ Է ԱՅԴ ՕՐԸ։

Բաայց…. մի քանի հարց ունեմ Հիմնադրամի գործադիր տնօրեն պարոն Արշամյանին, որոնց նա չի պատասխանի, բայց այդ հարցերը պարտադիր պետք է հնչեն.

1. Պարոն Արշամյան, լինելով պատմաբան, պատմական գիտությունների թեկնածու, ի՞նչ կարծիքի եք Հայոց պատմությունը Հայաստանի պատմություն դարձնելու և ապագա սերունդներին կեղծ ու թերի պատմություն, կեղծ աշխարհագրություն (առանց Արցախի հետքի) մատուցելու խայտառակ նախաձեռնության մասին։ Նորմա՞լ է, որ ձեր սիրելի նախկին լրագրող-խմբագիրը արդեն Հայոց պատմությունն է խմբագրում։

2. Նորմա՞լ եք համարում Մատենադարանում և Ցեղասպանության թանգարանում տեղի ունեցող ոչ հայանպաստ միջամտությունները։ Պատմության մեջ կա՞ արդյոք նախադեպ, երբ ներում և մոռացնել են տալիս սեփական ժողովրդի ցեղասպանությունը։ Ինչպե՞ս եք վերաբերվում Հայ առաքելական եկեղեցու վրա հարձակումներին և ազգային արժեքների վերացմանը։

3. Ինչու՞ ձեր սիրելի վարչապետը թույլ տվեց, որ Հիմնադրամը շարունակի և ավարտին հասցնի Ստեփանակերտում բազմաբնակարան շենքերի կառուցման ծրագիրը և կահավորված հանձնի թշնամուն։

4. Եթե այս ամենը տեղի ունենար մինչև 2018-ի Հայաստանում, երբ դուք դեռ ակտիվ ընդդիմադիր էիք, ի՞նչ քայլեր կձեռնարկեիք։

5. Ինչո՞ւ իմ հարկադիր պարապուրդը փոխհատուցեց Հիմնադրամը, ոչ թե անձամբ Դուք։ Ինչո՞ւ է ամբիցիոզ տնօրենի պատճառով վարձահատույց լինում Հիմնադրամը։

6. Տարիներ շարունակ նախկիններին քննադատելով և մեղադրելով մտացածին արարքների մեջ, արդյոք այսօր չե՞ք գտնում նմանություն Ձեր և նրանց երևակայական կերպարների միջև։

Եվ վերջում, Հիմնադրամում ձեր վստահված անձ-խորհրդականին, չեմ ուզում պատվել և անդրադառնալ, միայն ֆիքսենք, որ ստախոսությունը թուլամորթության նշան է։

Միշտ պայքարելու եմ 2018թ.-ից հետո ի հայտ եկած չարիքի, կեղծիքի, ստի, անարդարության, ամենաթողության և ապազգային դրսևորումների դեմ և դարձյալ հաղթելու եմ։

Այ հիմա ՑՏԵՍՈՒԹՅՈՒ՜Ն»։