Շվեդիան ավելի քան պատրաստ է դառնալ ՆԱՏՕ-ի դաշնակից․ Սպիտակ տուն
ԱՄՆ-ն ուշադրությամբ հետևում է Թուրքիայի խորհրդարանի քվեարկությանը ՆԱՏՕ-ին անդամակցելու Շվեդիայի դիմումին հավանություն տալու վերաբերյալ։
Այս մասին լրագրողներին հերթական ճեպազրույցում հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
«Առաջին հերթին մենք հասկանում ենք, որ Թուրքիայի խորհրդարանը կարող է այս որոշումը կայացնել այսօր: Իհարկե, մենք ուշադիր հետևում ենք դրան»,-ասել է պաշտոնյան:
«Ինչպես ասել է ԱՄՆ նախագահ Ջո Բայդենը, Շվեդիան ավելի քան պատրաստ է դառնալ ՆԱՏՕ-ի դաշնակից, և մենք, անկասկած, անհամբեր սպասում ենք դաշինքի անդամ դառնալուն, բայց ես առաջ չեմ անցնի Թուրքիայի խորհրդարանի որոշումից»:
Քիրբին նաև հույս է հայտնել, որ Հունգարիան, որը նույնպես չի վավերացրել թագավորության անդամակցությունը ՆԱՏՕ-ին, կհետևի Թուրքիայի օրենսդիր մարմնում քվեարկությանը։
