ԼՈՒՍԱՆԿԱՐ․ Համբուրգում տեղադրվել է «մերկ Անգելա Մերկելի» արձանը
Համբուրգում Գերմանիայի նախկին կանցլեր Անգելա Մերկելի նման մերկ կնոջ արձանը տեղադրվել է Թալիա թատրոնի դիմաց։ Գրել է Bild-ը։
Առանց հագուստի նստած կնոջ արձանը տեղադրվել է կոնտեյների վրա։ Տեղի բնակիչներից մեկը հրատարակության հետ զրույցում հաստատել է, որ քաղաքաբնակները «մերկ» քանդակն անվանում են «Մերկել», քանի որ կասկած չունեն, որ հենց նա է պատկերված։
Համբուրգում «Քրիստոնեա-դեմոկրատական միություն» ՔԴՄ կուսակցության ներկայացուցիչ Սվեն Հիլշերը արձանի տեղադրումը վիրավորական է որակել և հիշեցրել, որ թատրոնը ստանում է պետական ֆինանսավորում։ «Շատ քաղաքացիներ այժմ հաճույք են ստանում քաղաքական գործիչներին վիրավորելուց։ Սա նպաստում է քաղաքականությունից ընդհանուր հիասթափությանը և հանգեցնում է դրա արդիականության անկմանը»,- ասել է նա:
