Ահաբեկչական խմբավորման դեմ պայքարում Իրանը զոհաբերել է իր լավագույն ռազմական խորհրդականներին
Իրանի արտաքին գործերի նախարար Հոսեյն Ամիր Աբդոլլահիանը հայտարարել է՝ Իրանը զոհաբերել է իր լավագույն ռազմական խորհրդականների արյունը, որպեսզի օգնի Իրաքին և Սիրիային՝ ԴԱԵՇ ահաբեկչական խմբավորման դեմ պայքարում:
Նրա խոսքով` Իսրայելի ռեժիմը և Գազայի հատվածում շարունակվող ցեղասպանությունը վկայում են տարածաշրջանում անվտանգության բացակայության մասին․«Մենք կարծում ենք, որ տարածաշրջանի ապակայունացմանն ուղղված ցանկացած գործողություն արմատավորված է Իսրայելում և Գազայի հատվածում ցեղասպանությամբ», - ասել է Ամիր Աբդոլլահիյանը:
Իրանի ԱԳ նախարարը խորհուրդ է տվել ԱՄՆ նախագահ Ջո Բայդենին և Սպիտակ տանը իրենց ճակատագիրը չկապել Իսրայելի վարչապետ Բենյամին Նեթանյահուի ճակատագրի հետ:
