ՌԴ ԱԳՆ-ն՝ ԱՄՆ-ի գործողությունների մասին
ԱՄՆ-ի հարվածները Եմենին ՄԱԿ-ի Անվտանգության խորհրդի բանաձեւերի այլասերման և միջազգային իրավունքի լիակատար անտեսման ևս մեկ օրինակ են՝ հանուն տարածաշրջանում իրավիճակի սրման։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան Telegram-ի իր ալիքում։ Տեղեկությունը փոխանցում է ՌԻԱ Նովոստին։
«Եմենի վրա ԱՄՆ օդային հարվածները անգլոսաքսերի կողմից ՄԱԿ-ի Անվտանգության խորհրդի բանաձևերի այլասերման և միջազգային իրավունքի լիակատար անտեսման ևս մեկ օրինակ են՝ տարածաշրջանում իրավիճակը սրելու իրենց ապակառուցողական նպատակների համար»,- գրել է նա:
Հիշեցնենք՝ ավելի վաղ հաղորդել էինք, որ ԱՄՆ-ը և Մեծ Բրիտանիան գործողություններ են սկսել Եմենի հյուսիսում իշխող Անսար Ալլահ շարժման (հութիների) օբյեկտների դեմ։
