ՌԴ-ն չի խանգարում ԱՄՆ-ին` Հայաստանի և Ադրբեջանի միջև հարաբերությունների կարգավորման հարցում. Միլլեր
Ռուսաստանը չի խանգարում Հայաստանի և Ադրբեջանի միջև հարաբերությունների կարգավորմանն ուղղված` ԱՄՆ դիվանագիտական ջանքերին: այս մասին ճեպազրույցում ասել է Պետդեպարտամենտի խոսնակ Մեթյու Միլլերը՝ պատասխանելով համապատասխան հարցին։
«Ռուսաստանը ոչ մի կերպ չի խանգարում մեզ հետամուտ լինել այն կարևոր դիվանագիտական ջանքերին, որոնք, մեր կարծիքով, անհրաժեշտ են Հայաստանի և Ադրբեջանի համար։ Մենք կշարունակենք դրանք իրականացնել»,- նշել է Միլլերը։
Անդրադառնալով երկու պետությունների արտգործնախարարների` Վաշինգտոնում նախապես հայտարարված հանդիպման ժամկետներին, ապա, Միլլերի խոսքով, բանակցությունների ժամկետը որոշվելուն պես կհաջորդի պաշտոնական հայտարարություն։
