Նման գործողությունները հղի են շատ-շատ լուրջ հետևանքներով․ Պեսկով
Արտերկրում ռուսական ակտիվների առգրավումն անօրինական է և հղի է լուրջ վնասակար հետևանքներով, դա հերթական հարվածը կլինի համաշխարհային տնտեսությանը։ Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը: Տեղեկությունը փոխանցում է ՌԻԱ Նովոստին։
«Նման գործողությունները հղի են շատ-շատ լուրջ հետևանքներով»,-ասել Է Պեսկովը լրագրողներին՝ պատասխանելով հարցին, թե արդյոք Ռուսաստանը կարող է առգրավել օտարերկրյա ակտիվները:
Հինգշաբթի Financial Times թերթը, հղում անելով իր աղբյուրներին, հայտնել էր, որ Գերմանիան, Ֆրանսիան, Իտալիան, ԵՄ-ն կասկածներ են հայտնել ՌԴ-ի 300 մլրդ դոլարի սառեցված ակտիվները բռնագրավելու ԱՄՆ-ի գաղափարի վերաբերյալ, անհրաժեշտ են համարում նախ մանրակրկիտ գնահատել այդ միջոցի օրինականությունը:
