Պեսկովը՝ հայ-ադրբեջանական խաղաղության պայմանագրի ստորագրման մասին

Ռուսաստանը տեսնում է խաղաղության պայմանագիր ստորագրելու Հայաստանի և Ադրբեջանի քաղաքական կամքը և աջակցում է դրան։ Այս մասին լրագրողների հետ զրույցում նշեց ՌԴ նախագահի մամուլի խոսնակ Դմիտրի Պեսկովը։

«Կարևորն այն է, որ և՛ Երևանի, և՛ Բաքվի մոտ մենք նկատում ենք քաղաքական կամքը։ Կարծում ենք, որ խաղաղության պայմանագրի կնքումն օգտակար կլինի ինչպես երկու երկրի համար, այնպես էլ ողջ տարածաշրջանի կայունության համար»,– ասաց նա։