ԱՊՀ երկրների ամենաբարձր տոնածառերները․ Երևանը եռյակում է
ԱՊՀ երկրների ամենաբարձր ամանորյա տոնածառերը տեղադրվել են Թուրքմենստանի, Հայաստանի և Ուզբեկստանի մայրաքաղաքներում։ ԱՊՀ-ի գլխավոր տուրիստական պորտալ TurStat-ը, ներկայացրել է Ամանորին ԱՊՀ պետությունների մայրաքաղաքների 2024 թվականի ամենաբարձր տոնածառերի վարկանիշը։
Այսպիսով՝ ըստ TourStat-ի՝ ԱՊՀ երկրների ամենաբարձր ամանորյա ծառերի տասնյակում ներառվել են՝ Աշխաբադ (44 մետր), Երևան (37 մ), Տաշքենդ (35 մ), Բաքու (34 մ), Բիշքեկ (32 մ) քաղաքների ծառերը, Մինսկ (30 մ), Դուշանբե (30 մ), Մոսկվա (25 մ), Աստանա (25 մ) և Ալմաթի (20 մ) քաղաքները:
Հաղորդվում է, որ վարկանիշը կազմվել է ԱՊՀ երկրների մայրաքաղաքների գլխավոր տոնածառերի բարձրության ուսումնասիրությունների արդյունքների հիման վրա։
Նշվում է նաև, որ ԱՊՀ երկրների մայրաքաղաքների գլխավոր ամանորյա ծառերի շարքում միակ կենդանի եղևնին Ռուսաստանի գլխավոր տոնածառն է՝ 25 մետր բարձրությամբ՝ Մոսկվայի Կրեմլի տաճարի հրապարակում։
