Պլանավորում ենք ավելացնել ևս 200 ավտոբուս և ունենալ ավտոբուսային նոր գծեր. Ավինյան
Շարունակում ենք համալրել մեր հանրային տրանսպորտի շարժակազմը։ Այս մասին Քաղաքապետարանի գործակարգավորական նիստի ընթացքում հայտարարեց քաղաքապետ Տիգրան Ավինյանը։
«Պլանավորում ենք ևս մոտ 200 ավտոբուս ավելացնել մեր գծերում, պլանավորում ենք ունենալ նոր, առանձնացված ավտոբուսային գծեր։ Բոլոր այն փոփոխությունները, որոնք տեղի են ունենում հիմա, մեկ ընդհանուր տրամաբանության մաս են։ Հանրային տրանսպորտն ունի այս քաղաքում առաջնահերթություն, տրվելու է այդ առաջնահերթությունը և հանրային տրանսպորտից օգտվող մարդուն պետք է ապահովենք լավագույն պայմաններով»,-մանրմասնեց Ավինյանը։
