Ուժեղ քամին խնդիրներ է ստեղծել Սևծովյան Բաթումիում
Դեկտեմբերի 24-ի գիշերը ուժեղ քամին խնդիրներ է ստեղծել Սևծովյան Բաթում քաղաքում։ Այս մասին հայտնում է Sputnik Գրուզիան՝ հղում անելով քաղաքի քաղաքապետարանին։
Քաղաքապետարանի տվյալներով՝ քամին տապալել է ծառերն ու լապտերների սյուները, պոկել տների տանիքները, վնասել ենթակառուցվածքն ու ավտոբուսի կանգառները:
Քաղաքի շրջաններից մեկում ծառերն ընկել են ավտոմեքենաների կայանատեղիում և մի քանի մեքենա, պոկվել է նաև Բաթումի պետական համալսարանի տանիքը:
Տուժածների մասին տեղեկություններ չկան:
Հաղորդվում է, որ տապալված ծառերը խնդիրներ են առաջացրել նաև երկաթուղում, ինչի պատճառով մի քանի ուղևորություն հետաձգվել է, և երթևեկությունը ամբողջությամբ խոստանում են վերականգնել միայն կեսօրին:
