ՏԵՍԱՆՅՈՒԹ. ՌԴ-ն չի կարող, ինչպես որոշ երկրներ, երշիկի դիմաց տալ իր ինքնիշխանությունը. Պուտին
Ռուսները պետք է հիշեն, որ Ռուսաստանի Դաշնությունը կա՛մ կլինի ինքնիշխան պետություն, կա՛մ ընդհանրապես գոյություն չի ունենա, դա պետք է լինի նրանց գլխում և սրտում։ Այս մասին հայտարարել է երկրի նախագահ Վլադիմիր Պուտինը՝ ելույթ ունենալով «Եդինայա Ռոսիա» կուսակցության 21-րդ համագումարում։ Տեղեկատվությունը փոխանցում է ՏԱՍՍ-ը: Պուտինի խոսքով՝ Ռուսաստանը չի կարող, ինչպես որոշ երկրներ, երշիկի դիմաց տալ իր ինքնիշխանությունը և դառնալ ինչ-որ մեկի արբանյակը:
«Մենք պետք է հիշենք և երբեք չմոռանանք և սովորեցնենք մեր երեխաներին. Ռուսաստանը կամ ինքնաբավ, ինքնիշխան տերություն կլինի, կամ ընդհանրապես գոյություն չի ունենա: Սա շատ կարևոր բան է, որը միշտ պետք է լինի մեր գլխում և սրտում»:
Ռուսաստանի ղեկավարն ընդգծել է, որ դրա համար իրենք են որոշելու և կերտելու իրենց ապագան։
«Սա է ինքնիշխան պետական աշխարհայացքը, իրական քաղաքացիական համախմբման և համատեղ աշխատանքի հիմքը»,- ասել է նա։
