«Սա ակնհայտ հարձակում է Ֆինլանդիայի ինքնիշխանության վրա». երկրի վարչապետ

Ֆինլանդիայի վարչապետ Պետերի Օրպոն հայտարարել է, որ փախստականների հոսքը Ռուսաստանի հետ սահմանին հարձակում է Ֆինլանդիայի և եմ ինքնիշխանության վրա: Այս մասին հայտնում է Yle-ն։ Տեղեկատվությունը փոխանցում է gazeta.ru-ն:

«Սա ակնհայտ հարձակում է Ֆինլանդիայի և Եվրամիության ինքնիշխանության, մեր սահմանների վրա», — հայտարարել է Օրպոն:

Նա նշել է, որ փախստականների նման հոսքը Ֆինլանդիայի համար աննախադեպ է։ Ընդ որում, նա պնդում է, որ «դա կազմակերպված գործունեություն է, որին մասնակցում են այլ երկրի իշխանությունները»:

Մինչ այդ հայտնի էր դարձել, որ Ֆինլանդիան կրկին փակում է Ռուսաստանի հետ սահմանը։ «Վաալիմաա» և «Նիիրալա» անցակետերն իրենց աշխատանքը դադարեցրել են դեկտեմբերի 15-ի երեկոյան՝ բացումից մեկ օր անց: Պատճառը փախստականների վերսկսված հոսքն է, որը Ֆինլանդիայի ներքին գործերի նախարարությունում կապել են օտարերկրյա տերության ազդեցության հետ։

Դեկտեմբերի 16-ին ֆինն սահմանապահները հանգիստ են անվանել իրավիճակը Ռուսաստանի հետ խոշորագույն հսկիչ-անցագրային կետում ՝ Վաալիմաայում, պետությունների միջեւ սահմանի փակումից հետո: