ՉԺՀ-ի առափնյա պահպանությունը կրկին ջրցան մեքենաների մոջոցով գնդակոծել է Ֆիլիպինների առափնյա պահպանության նավերը Հարավչինական ծովի Այյունգին շրջանում: Այս մասին հայտնում Է ՏԱՍՍ-ը։ Հրապարակման մեջ նշվում է, որ միջադեպը տեղի է ունեցել ֆիլիպինցիների կողմից Պարենամթերքի առաքման և Sierra Madre նավի անձնակազմի ռոտացիայի ժամանակ:

Ֆիլիպինները Չինաստանին մեղադրել են հարձակման մեջ, ինչը հարեւանների միջեւ լարվածության սրման հերթական փուլն է։ Ֆիլիպինների իշխանությունների խոսքով՝ ջրցան մեքենաներն «էական վնաս» են հասցրել նավերից մեկին։ Սա առաջին նման դեպքը չէ, նմանատիպ դեպք է տեղի ունեցել այս տարվա օգոստոսին, իսկ մի քանի ամիս առաջ չինական նավը լազերով կուրացրել էր Ֆիլիպինների առափնյա պահպանության նավաստիներին: