2024 թվականին Ուկրաինայում իրադարձությունների զարգացման 3 տարբերակ կա. Արեստովիչ

Ուկրաինայի նախագահի գրասենյակի նախկին խորհրդական Ալեքսեյ Արեստովիչը թվարկել է 2024 թվականին երկրում իրադարձությունների զարգացման երեք տարբերակ։ Իր կարծիքը քաղաքական գործիչը հայտնել է Rzeczpospolita-ին տված հարցազրույցում։

1. Առաջին տարբերակի ժամանակ Արեստովիչն Ուկրաինային կանխատեսել էր «երրորդ Մայդանը, այս անգամ, սակայն, զինված»։ Այդ դեպքում Ռուսաստանը, ԱՄՆ-ն և Չինաստանը պետք է պայմանավորվեն Ուկրաինայի տարածքում մարտերի դադարեցման մասին, սակայն Կիևի համար դա հակամարտության խաղաղ արդյունք չի դառնա։ Նախկին խորհրդականը վստահ է, որ հրադադարի ռեժիմը, միևնույն է, կխախտվեր։ Պատերազմի գոտուց կվերադառնան նաև վիրավոր տղամարդիկ, ովքեր կհանդիպեն դաժան իրականությանը: «Լոկալ հակամարտություններ կառաջանան», - հավելել է Արեստովիչը:
2. Երկրորդ տարբերակը ենթադրում է ռազմական գործողությունների շարունակություն՝ արևմտյան դաշնակիցների աջակցությամբ, սակայն դրանում հաջողության չեն հասել Ուկրաինայի Զինված ուժերը։ «Այդ ժամանակ մենք կսկսենք միմյանց կոկորդները բռնել, մեղավորներ փնտրել», - հայտարարել է Արեստովիչը:
   
3. «Արևմուտքը հանկարծ ուշքի կգա, մեզ հսկայական քանակությամբ զենք և այլ օգնություն կփոխանցի։ Հետո մենք կանցնենք հարձակման։ Բայց, անկեղծ ասած, 2024 թվականին Ուկրաինայի համար դրական սցենար չեմ տեսնում», - նկարագրել է Արեստովիչի երրորդ տարբերակը։ Նա նախազգուշացրել է, որ իրադարձությունների նման զարգացումն ավելի շուտ «ֆանտաստիկայի ոլորտից է»։

Ավելի վաղ քաղաքական գործիչը հայտարարել էր, որ հակամարտությունը կարելի է ավարտել միայն Ռուսաստանի հետ Արևմուտքի գլոբալ բանակցություններով: Նա նշել է, որ նման համաձայնագիրը կարող է խաղի նոր կանոններ սահմանել Եվրոպայում։