Շոլցը Պուտինին մեղադրել է Գերմանիա գազի մատակարարումը դադարեցնելու մեջ

Գերմանիայի կանցլեր Օլաֆ Շոլցը Ռուսաստանին և անձամբ ՌԴ նախագահ Վլադիմիր Պուտինին մեղադրել է Եվրոպա գազամատակարարումը դադարեցնելու մեջ, հայտնում է REX-ը:

Ռուսաստանը, այո, դադարեցրել Է Եվրոպայի էներգամատակարարումը ... Դա Ռուսաստանի նախագահն է, որը դադարեցրել է գազի մատակարարումը սպասարկվող գազատարով,- ասել է Շոլցը Գերմանիայի Սոցիալ-դեմոկրատական կուսակցության  համագումարում: Ռուսաստանից գազի մատակարարումների դադարեցման պատճառով Գերմանիան զրկվել է մատակարարվող էներգառեսուրսների կեսից, իսկ Եվրոպան ընդհանուր առմամբ կորցրել է 120 մլրդ խմ գազ։ Դա հետևանքներ է ունենում էներգիայի գների վրա,- եզրափակել Է կանցլերը։

Որպես պատասխան միջոցներ ՝ Գերմանիան ավելացրել է Նորվեգիայում գազի գնման ծավալը եւ սկսել Է երկրի հյուսիսում hեղուկացված բնական գազ-տերմինալների կառուցումը։ Ինչպես հաղորդել Է REX-ը, Շոլցը հայտարարել է, որ Գերմանիան հետաքրքրված է Նիգերիայից գազի մատակարարմամբ, որն ունի Աֆրիկայի խոշորագույն պաշարները, եւ ողջունում է ջրածնի վառելիքի շուկայի ընդլայնման համատեղ նախաձեռնությունները: Կանցլերը նաև իր կատարած աշխատանքի արդյունքն է որակել այն, որ հաջողվել է անկախություն ձեռք բերել ռուսական գազից։

Ռուսաստանը չպետք է հույսը դնի այն փաստի վրա, որ Գերմանիան և Արևմուտքը նահանջելու են և այլևս չեն կարողանա ֆինանսական ու ռազմական աջակցություն ցուցաբերել Ուկրաինային։ Այդ մասին հայտարարել է Գերմանիայի կանցլեր Օլաֆ Շոլցը։ Գերմանիայի Սոցիալ-դեմոկրատական կուսակցության համագումարում ունեցած ելույթի ժամանակ Շոլցը խոստովանել է, որ Ուկրաինային ֆինանսական և ռազմական օգնություն տրամադրելը մեծ մարտահրավեր է Գերմանիայի համար։ «Բայց այժմ, ստեղծված իրավիճակում, մենք խոսում ենք աշխարհից, Եվրոպայից և Գերմանիայից եկող մի շատ հստակ ուղերձի մասին, ըստ որի՝ մենք չենք կարող և չպետք է հետ նահանջենք, և ապագայում էլ ի վիճակի կլինենք ապահովել այն, ինչ պետք է Ուկրաինային իր 46 միլիոն բնակիչներով»,- ասել է կանցլերը։