Ղրիմում գազատար է այրվել. 25-30 հազար մարդ մնացել է առանց գազ
Ղրիմի Կերչում գազատարի հրդեհ է տեղի ունեցել։ Այս մասին տեղեկացնում է ТАСС-ը։
«Գազատարը բռնկվել է։ Այս պահին վթարը վերացվում է, վնասը հաշվարկվում է»,– ասել է գործակալության զրուցակիցը։
Ավելի ուշ քաղաքային վարչակազմի ղեկավար Սվյատոսլավ Բրյուսակովը Telegram-ի իր ալիքում հայտնել է, որ արտակարգ իրավիճակների ծառայությունները վերացրել են միջին ճնշման խողովակի վրա գազի հրդեհը։
«Վթարի վայրում աշխատում են հատուկ ծառայություններ՝ արդյունաբերական բազայի տարածքում միջին ճնշման խողովակի վրա։ Հրդեհը մարվել է, վերականգնման աշխատանքները շարունակվում են։ Այժմ 25-30 հազար բաժանորդ մնացել է առանց գազի»,-ասվում է պաշտոնական հաղորդագրության մեջ։
