ԱՄՆ-ի F-16 կործանիչն ընկել է Դեղին ծովը
ԱՄՆ ռազմաօդային ուժերի F-16 կործանիչ կործանվել է Հարավային Կորեայում։ Այն վթարի է ենթարկվել զորավարժությունների ժամանակ, օդաչուին հաջողվել է ինքնանետվել, փոխանցում է Reuters-ը՝ վկայակոչելով գերատեսչությանը:
ԱՄՆ ռազմաօդային ուժերի տվյալներով՝ վթարը տեղի է ունեցել «թռիչքի ընթացքում արտակարգ իրավիճակի» պատճառով։
Օդաչուին Դեղին ծովում փրկել է Հարավային Կորեայի առափնյա պահպանությունը և վերադարձել Կունսան ավիաբազա։ Նրա վիճակը գնահատվում է լավ։
F-16 կործանիչն ընկել է Դեղին ծովը։
