ԱՄՆ Սենատը արգելափակել է Ուկրաինային և Իսրայելին օգնելու նախագիծը
Ուկրաինային և Իսրայելին բազմամիլիարդանոց օգնություն հատկացնելու մասին օրինագիծը ընթացակարգային քվեարկություն չի անցել ԱՄՆ Սենատում, ասվում է C-Span հեռուստաալիքի հաղորդման մեջ։ Հարցը Կոնգրեսի վերին պալատ բերելու համար անհրաժեշտ էր 60 սենատորների հավանությունը։ «Դեմ» է քվեարկել 51 օրենսդիր, «կողմ»՝ 49։
ԱՄՆ նախագահ Ջո Բայդենը հոկտեմբերին ներկայացրել է ծախսերի փաթեթ՝ ուղղված Ամերիկայի ազգային անվտանգության ապահովմանը, որը կազմում է 106 միլիարդ դոլար։ Մասնավորապես, նա նախատեսում էր Ուկրաինային 61 մլրդ դոլարի ռազմական օգնություն հատկացնել, Իսրայելին՝ 14 մլրդ դոլարի, ինչպես նաև 9 մլրդ դոլարի հումանիտար օգնության տրամադրում այս հակամարտությունների շրջանակներում։
Բացի այդ, 2 միլիարդ դոլար է հատկացվել Ասիա-խաղաղօվկիանոսյան տարածաշրջանում դաշնակիցներին օգնելու համար, իսկ 14 միլիարդ դոլար՝ ԱՄՆ հարավային սահմանի անվտանգությունն ապահովելու համար: Որպես փաթեթի մաս՝ ԱՄՆ վարչակազմն առաջարկել է նաև ավելացնել ներգաղթի աշխատակիցների թիվը՝ արագացնելու ապաստանի դիմումների մշակումը, ավելացնել ապօրինի միգրացիայի դեմ պայքարող պարեկների թիվը և միջոցներ հատկացնել միգրանտների ընդունման կենտրոններ գործող պետություններին:
