ՏԵՍԱՆՅՈՒԹ. Չեք կարծում, որ պետությունը նախ այս ամենը պիտի կարգավորի. Auroranews-ի լրագրողի հարցը բանախոսներին

«Ոստիկանության դերը ճանապարհային երթևեկության անվտանգության ապահովման գործում» թեմայով հանրային քննարկմանը ներկա էր նաև Auroranews-ի թղթակիցը։

Նա հարց ուղղեց բանախոսներին՝ անդրադառնալով մի շարք խնդիրների։ Պետության և հասարակության միջեւ պիտի փոխգործակցություն լինի։ Քանդված փողոցներ, գծանշումների բացակայություն, ճանապարհային նշաններ, որոնք լույսանդրադարձնող չեն, վնասված են, կարծես Աֆղանստանից են բերված, բաց դիտահորեր, կեսգիշերից հետո չլուսավորված փողոցներ։ Այս ամենը լուրջ խնդիր է վարորդների համար։ Չեք կարծում, որ պետությունը նախ այս ամենը պիտի կարգավորի, հետո նոր պահանջի ամրագոտի կապել, պլյոնկաները հանել, չխոսել հեռախոսով կամ ղեկին չծխել, կրակմարիչ ու դեղատուփ ունենալ։

Խոսվեց նաև Ջրվեժում Բագրևանդից մինչև Զովք ճանապարհահատվածի մասին, որը երկար ժամանակ է քանդված է։

«Պարոն Թորոսյան, դուք ապրում եք Ջրվեժում և ամեն օր անցնում եք այդ քանդված ճանապարհով»,-ասաց լրագրողը, որին պաշտոնյան պատասխանեց․ «այդ ճանապարհով անց է կացվում գազի խողովակաշար, որը մյուս տարի կապիտալ վերանորոգվելու է, հիմա փոսերը ժամանակավոր լցվելու են»։

Քննարկման բանախոսներն էին՝ ԱԺ պատգամավոր Սիսակ Գաբրիելյանը, ԱԺ պատգամավոր Արսեն Թորոսյանը, Պարեկային ծառայության պետ, գնդապետ Արթուր Խուդինյանը, քաղաքացիական ակտիվիստ Արտակ Գաբոյանը, ԻՔՄ ծրագրերի համակարգող Դանիել Իոաննիսյանը: