Նրանց վրա ամբողջ աշխարհը ծիծաղում է․ Պուտին

Ռուսաստանի նախագահ Վլադիմիր Պուտինը հայտարարել է, որ Գերմանիայի ղեկավարությունը «կուլ է տալիս» իր «դաշնակիցների» հարձակումները ինքնիշխանության բացակայության և իշխանությունների ներկայացուցիչների վատ պատրաստվածության պատճառով: Տեղեկությունը փոխանցում է ՏԱՍՍ-ը։

Նրա խոսքով՝ գերմանացի քաղաքական գործիչներից ոմանք ի վիճակի չեն որակյալ որոշումներ կայացնել՝ անբավարար պրոֆեսիոնալիզմի պատճառով։

«Նրանք հայտնի են, նրանց վրա ամբողջ աշխարհը ծիծաղում է։ Ես հիմա ազգանուններ չեմ տա, բայց իրապես ծիծաղում է ողջ աշխարհը»,- հավելել Է Պուտինը։

Ռուսաստանի ղեկավարը նշել է, որ Եվրոպան ինքն է փակում էժան էներգակիրների աղբյուրը, կամ դա անում են ԱՄՆ-ի իրենց դաշնակիցները: Նա հիշեցրել է, որ Ուկրաինայի իշխանությունները սպառազինության և թոշակների համար գումար են ստանում նաև Գերմանիայից, ընդ որում՝ Բեռլինի համար փակել են Ռուսաստանից եկող գազը: