Թուրքիայի գործարար շրջանակները սպառնալիքներ են ստանում ԱՄՆ-ից․ հայտնի է պատճառը
Թուրքիայի գործարար շրջանակները սպառնալիքներ են ստանում ԱՄՆ-ից՝ կապված Ռուսաստանի հետ առևտրի հետ։ Այս մասին գրել է թուրքական լրատվամիջոցը՝ հղում անելով արտաքին տնտեսական կապերի խորհրդի բարձրաստիճան աղբյուրին: Տեղեկությունը փոխանցում է ՌԻԱ Նովոստին։
ԱՄՆ ֆինանսների նախարարությունն ավելի վաղ հայտնել էր, որ փոխնախարար Բրայան Նելսոնը կայցելի Թուրքիա՝ Ռուսաստանի դեմ պատժամիջոցների ռեժիմը քննարկելու համար:
Բլումբերգ գործակալության տվյալներով՝ ԱՄՆ-ն, մասնավորապես, մտահոգված է, որ Թուրքիան հրաժարվում է միանալ ռուսական նավերի և ավիաուղիների նկատմամբ ամերիկյան պատժամիջոցներին և սպառնում է թուրքական ընկերություններին երկրորդական պատժամիջոցներով: Սա Նելսոնի երկրորդ այցն է Թուրքիա, ով վերահսկում է «ահաբեկչության և ֆինանսական հետախուզության դեմ պայքարը» ֆինանսների նախարարությունում:
Անկարայի դիվանագիտական աղբյուրը ՌԻԱ Նովոստիին հայտնել է, որ թուրքական կողմը նկատում է Ռուսաստանի դեմ պատժամիջոցների թեմայով մի շարք ԶԼՄ-ներում սադրիչ նյութերի առկայությունը, չի ընդունում սպառնալից երանգ:
«ԱՄՆ-ն հսկայական նամակ է գրում, իսկ դրա տակ գրված է՝ «հետևեք այս կանոններին»։ Դա սպառնալիք է: Նրանք գրում են, որ այսօր ձեզ հետ ոչինչ չի պատահի, բայց դուք երբեք չգիտեք, թե ինչ կլինի ապագայում: Ասում են, որ եթե դուք օգտագործում եք մեր համակարգերը, մեր ծրագրային ապահովումը, արտադրանքը, եթե դուք առևտուր ունեք ինձ հետ, մենք ձեզ կբռնենք», - պարբերականը մեջբերում է աղբյուրի խոսքը։
Ավելի վաղ Էնթոնի Բլինքենի հետ մամուլի ասուլիսի ժամանակ Թուրքիայի տվյալ ժամանակվա ԱԳ նախարար Մևլութ Չավուշօղլուն հայտարարել էր, որ Անկարան չի միանում Ռուսաստանի դեմ միակողմանի պատժամիջոցներին, ընդ որում թույլ չի տալիս շրջանցել դրանք: Ավելի վաղ Թուրքիայի նախագահի պաշտոնական ներկայացուցչի պաշտոնը զբաղեցրած, այժմ Ազգային հետախուզական կազմակերպության ղեկավար Իբրահիմ Քալընը հայտարարել էր, որ եթե Թուրքիան պատժամիջոցներ սահմանի Ռուսաստանի դեմ, իրենք կխաղան առաջին հերթին հենց Անկարայի դեմ:
