Ավագանիում՝ Էթիկայի հանձնաժողով․ առաջարկում է Զեյնալյանը

Երևանի ավագանու «Հանրապետություն» խմբակցության անդամ Արտակ Զեյնալյանն առաջարկել է ավագանիում էթիկայի հանձնաժողով ձևավորել՝ երեկվա միջադեպի հետ կապված։

«Էթիկայի հանձնաժողովում կներգրավվեն անձինք, որոնք չեզոք են եղել և դիրքորոշում չեն հայտնել այս երևույթի վերաբերյալ, ուստի հորդորում եմ ձեռնպահ մնալ դիրքորոշում հայտնելուց, որակավորումներ տալուց, բարձրաստիճան պաշտոնատար անձանց էլ հորդորում եմ դրա վերաբերյալ հրապարակային դիրքորոշում չհայտնել, որ ապագա ստեղծվելիք Էթիկայի հանձնաժողովը կաշկանդված չլինի»,-հավելել է նա։

Քաղաքապետ Տիգրան Ավինյանը նշեց, որ առաջարկն ընդունելի է և ենթակա է քննարկման։