ՏԵՍԱՆՅՈՒԹ. Կրասնոդարում դեռահասները էլեկտրական ինքնագլորով հարվածել են մանկասայլակին. տուժել է մանկահասակ երեխա
Կրասնոդարում երկու դպրոցականներ էլեկտրական ինքնագլորով հարվածել են փոքրիկ երեխայով մանկասայլակին: Այս մասին գրում են թելեգրամյան ռուսալեզու ալիքները:
Տեսանյութում ֆիքսված է այն պահը, երբ երկու աղջիկներ էլեկտրական ինքնագլորով մեծ արագությամբ ընթանում են հետիոտների համար նախատեսված հատվածով: Այդ պահին մոտակա կրպակի հետևից հայտնվում է մանկասայլակով մի կին և տեղի է ունենում բախում։ Բարեբախտաբար, մանկասայլակը չի շրջվել, սակայն երեխան գլխով հարվածել է մանկասայլակի կողային հատվածին։
«Մայրն ու երեխան տեղափոխվել են բուժհաստատություն, որտեղ երեխայի մոտ ախտորոշվել է փափուկ հյուսվածքների վնասվածք»,- նշվում է Կրասնոդարի ՌԴ ՆԳՆ մամուլի ծառայության Telegram-ի հաղորդագրության մեջ։
Գերատեսչությունում հավելել են, որ դեռահասները դեպքի վայրից փախուստի են դիմել։ Այժմ պարզվում է էլեկտրական ինքնագլոր վարող աղջկա ինքնությունը։
