Հայ քաղաքական գործիչները պետք է երկխոսություն վարեն․ Միխայիլ Պոդոլյակ
Ուկրաինայի նախագահի գրասենյակի խորհրդական Միխայիլ Պոդոլյակը հարցազրույց է տվել AnalitikaUA պարբերականին, որտեղ անդրադարձել է նաև Հայաստանի արտաքին քաղաքականությանը։
Նա նշել է՝ Հայաստանը կհաղթահարի իր շուրջ առաջացած շատ դժվարությունները, գլխավորն այն է, որ հայերը, որտեղ էլ որ լինեն, անկեղծորեն հավատան իրենց երկրին։
Պատասխանելով Բալթյան-Սևծովյան պաշտպանական դաշինքին Հայաստանի մասնակցության հնարավորության մասին հարցին՝ Պոդոլյակը հույս է հայտնել, որ դաշինքի դռները բաց կլինեն: Նրա խոսքով՝ պետք է փնտրել իրավական և լոգիստիկ բանաձևեր։
«Հայ քաղաքական գործիչները պետք է երկխոսություն վարեն», - նշել է Պոդոլյակը:
Քաղաքական գործչի կարծիքով՝ Հայաստանը ճիշտ ուղու վրա է։
«Ռազմավարությունը, որը ես հիմա հստակ տեսնում եմ Հայաստանի դիրքորոշման մեջ, ինտենսիվ երկխոսությունն է ՆԱՏՕ-ի երկրների՝ Մեծ Բրիտանիայի, ԱՄՆ-ի, Ֆրանսիայի հետ, որոնց հետ միշտ երկխոսությունը պատմականորեն լավ է եղել»,- հավելել է Պոդոլյակը։
