«Եթե մինչև 2014 թվականն ինձ ասեին, որ ռուս-ուկրաինական կոնֆլիկտ հնարավոր է, ես կասեի՝ դուք գժվե՞լ եք». Պուտին
ՌԴ նախագահ Վլադիմիր Պուտինը խոստովանել է, որ մինչև 2014 թվականն իր, ինչպես նաև շատերի, չէր կարող մտքով անցնել, որ կարող է հակամարտություն լինել Ռուսաստանի Դաշնության և Ուկրաինայի միջև։
«Մինչև 2014 թվականը մտքովս չէր անցնում, որ կարող է նման կոնֆլիկտ լինել` Ռուսաստան և Ուկրաինա»,- ասել է Պուտինը Սանկտ Պետերբուրգի մշակութային ֆորումի լիագումար նիստի ժամանակ։ «Եթե մինչև 2014 թվականն ինձ ասեին, որ դա հնարավոր է, ես կասեի՝ դուք գժվե՞լ եք»,- հավելել է նա։ Նախագահի խոսքով՝ «պետք է դատել ոչ թե նրանով, թե ինչ են ասում մարդիկ, այլ նրանով, ինչ նրանք անում են»։
