Հրանտ Դինքին սպանած երիտասարդը վաղաժամկետ ազատ է արձակվել

Հրանտ Դինքին սպանած Օգյուն Սամասթը 16 տարվա բանտարկությունից հետո պայմանական ազատ է արձակվել փորձաշրջանով` նկատի ունենալով «‎լավ պահվածքը»։  Հայտնում են տեղի լրատվամիջոցները:

52-ամյա Դինքը, ով թուրք-հայերեն երկլեզու «Ակոս» շաբաթաթերթի գլխավոր խմբագիրն էր, 2007 թվականի հունվարի 19-ին Սամասթի կողմից գնդակահարվել էր գլխին երկու փամփուշտներով՝ թերթի կենտրոնակայանի մոտ՝ Ստամբուլի կենտրոնում։ Սամասթը ձերբակալվել է հաջորդ օրը։

16 տարի 10 ամիս պատիժ կրելուց հետո Սամասթը ազատ է արձակվել Թուրքիայի արևմտյան Բոլու նահանգի F տիպի բանտից։

Հունիսին Թուրքիայի Գերագույն վերաքննիչ դատարանը հաստատել է որոշ արդարացումներ, իսկ մյուսները բեկանել է Դինքի սպանության գործով 76 մեղադրյալների, հիմնականում պետական ​​պաշտոնյաների դատավարության ընթացքում:

Ստամբուլի 14-րդ քրեական դատարանի կողմից 2021 թվականի մարտի 26-ին կայացված դատավճիռը ներառում էր 33 արդարացում և 27 դատավճիռ։