Ուկրաինայի արտաքին գործերի նախարար Դմիտրի Կուլեբան հայտնել է, որ Եվրամիությունը չի կարողանա մինչև 2024 թվականի մարտը Կիևին 1 մլն հրետանային արկ մատակարարել ՝ պաշտպանական արտադրության վիճակի և բյուրոկրատական խոչընդոտների պատճառով:

Նախարարին խնդրել են մեկնաբանել Bloomberg գործակալության հրապարակումը, որի համաձայն ԵՄ-ն անդամ երկրներին տեղեկացրել է, որ մինչև 2024 թվականի մարտը Ուկրաինային 1 մլն հրետանային զինամթերք տրամադրելու պարտավորությունը «դժվար թե կատարվի»:

«Ցավոք, Bloomberg-ը ճշմարտությունն է ասում։ Ես կարծում եմ, որ այս խնդրի պատճառը ոչ թե Ուկրաինային սատարելու Եվրամիության քաղաքական կամքի բացակայությունն է, նման քաղաքական կամք կա, այլ, այսպես ասենք, պաշտպանական արդյունաբերության խղճուկ վիճակը»,-ասել է Կուլեբան: