Միջանցքները լցված են դիերով. սարսափ` Գազայի Ալ-Շիֆա հիվանդանոցում

Սարսափ` Գազայի հատվածի Ալ-Շիֆա հիվանդանոցում. բուժհաստատության տարածքում մահացած մարդկանց թաղում են «զանգվածային գերեզմաններում», հայտնում է Sky News Arabia-ն։

Աղբյուրի փոխանցմամբ` հիվանդանոցը հոսանքազրկվել է, դիահերձարանները չեն աշխատում, իսկ հիվանդանոցի միջանցքները լցված են դիերով։

Ավելի վաղ հայտնել էինք, որ Գազայի հատվածում գտնվող Ալ-Շիֆա հիվանդանոցն այլևս չի գործում որպես հիվանդանոց: Հաստատության տարածքը վերջին օրերին գնդակոծության է ենթարկվել։