Իրանի հետ տնտեսությունը մենք քննարկում ենք որպես անվտանգությանը նպաստող գործիք. Արմեն Գրիգորյան

Հայաստան-Իրան տնտեսական հարաբերություններն ինտենսիվ զարգանում են։ Այս մասին այսօր Հանրայինի եթերում ասել է ԱԽ քարտուղար Արմեն Գրիգորյանը։

Նա նշել է, ու եթե 2021 թվականին առեւտրաշրջանառությունը 350 միլիոն դոլար էր, ապա այս տարի հնարավորություն կա մինչև 1 միլիարդ դոլար հասնելու առևտրաշրջանառությունը եւ այդ առումով տնտեսական հարաբերությունները անվտանգային իմաստ են ձեռք բերում։

Այսպիսով նա պատասխանել է հարցին, թե տնտեսական հարաբերությունների վերաբերյալ ինչ հարցեր է քննարկել Իրանի Ազգային անվտանգության գերագույն խորհրդի քարտուղարի հետ:

«Գիտեք՝ Հայաստանի համար Հյուսիս-Հարավ-ը որքան կարևոր է։ Ենթակառուցվածքների զարգացման, ինչպես նաև Խաղաղության խաչմերուկի կոնտեքստում մեծ կարեւորություն ունի։ Այս պատճառով մենք քննարկում ենք տնտեսությունը նաև որպես անվտանգությանը նպաստող գործիք»,- ասել է նա։