Մենք այդ ամենը տեսնում ենք, դրան արձագանքում ենք հանգիստ․ Պուտին
Ռուսաստանը հանգիստ և հավասարակշռված է արձագանքում ՆԱՏՕ-ի երկրների՝ իրենց ազդեցության գոտին ընդլայնելու փորձերին, հայտարարել է ՌԴ նախագահ Վլադիմիր Պուտինը: Տեղեկությունը փոխանցում է ՌԻԱ Նովոստին։
«Մենք այդ ամենը տեսնում ենք։ Եվ մեր բարեկամների, այդ թվում՝ առաջին հերթին Չինաստանի Ժողովրդական Հանրապետության հետ միասին, դրան արձագանքում ենք հանգիստ, հավասարակշռված, ամրապնդում ենք մեր պաշտպանունակությունը»,- եզրափակել է Ռուսաստանի նախագահը։
Պուտինի խոսքով՝ ԱՄՆ-ն ավելի ու ավելի է «ներքաշում դաշինքի բոլոր երկրներին Ասիա-խաղաղօվկիանոսյան տարածաշրջանում լարված իրադրության ստեղծման մեջ», փորձում է «այնտեղ ստեղծել նոր ռազմաքաղաքական դաշինքներ»՝ առաջնորդվելով, առաջին հերթին, սեփական շահադիտական շահերով:
