Բաքվում այսօր կշարունակվի 68-ամյա Վագիֆ Խաչատրյանի ապօրինի գործով դատական նիստը. ինչ է հայտնի
Բաքվում՝ ծանր հանցագործությունների դատարանում, այսօր կշարունակվի գերեվարված Վագիֆ Խաչատրյանի դատը։ Այս մասին գրում են ադրբեջանական ԶԼՄ–ները:
Նրան մեղադրում են «ցեղասպանության, ադրբեջանցիների տեղահանության մեջ», որն իբր կատարվել է 1991 թվականի դեկտեմբերին Խոջալուի շրջանի Մեշալի գյուղում։ Սպասվում է, որ այսօր կհրապարակվի «մեղադրական եզրակացությունը և հայտնի կդառնա, թե ինչ պատժաչափ է առաջարկվում նրա համար: Նշենք, որ Վագիֆ Խաչատրյանն իրեն մեղավոր չի ճանաչում և հերքում է մեղադրանքները:
Հիշեցնենք, որ 68-ամյա Վագիֆ Խաչատրյանն ապօրինի կերպով ձերբակալվել է Բերձորի անցակետում հուլիսի 29-ին, երբ Կարմիր Խաչի միջոցով տեղափոխվում էր Հայաստան՝ վիրահատվելու:
