ՄԱԿ–ի ԱԽ–ն Գազայի հարցով արտահերթ նիստ կանցկացնի
ՄԱԿ-ի Անվտանգության խորհուրդը երկուշաբթի արտահերթ նիստ կանցկացնի՝ քննարկելու Գազայի հատվածում վերջին զարգացումները և իրավիճակը, հայտնել է Արաբական Միացյալ Էմիրությունների առաքելությունը համաշխարհային կազմակերպությունում:
«Գազայում իրավիճակի վատթարացման և «Ալ Շիֆա» հիվանդանոցի վրա, ինչպես նաև Ջաբալիայում փախստականների ճամբարի վրա շարունակվող հարձակումների ֆոնին՝ ԱՄԷ-ն և Չինաստանը կոչ են արել փակ խորհրդակցություններ անցկացնել նոյեմբերի 6-ին, ժամը 15:00-ին», - ասվում է սոցցանցերում ԱՄԷ-ի մշտական ներկայացուցչության գրառման մեջ:
