Բերբոքը Բայրամովի հետ հանդիպմանն օգտագործել է Շուշի և Ստեփանակերտ անվանումները

Գերմանիայի ԱԳՆ ղեկավար Անալենա Բերբոքը Ադրբեջանի ԱԳՆ ղեկավար Ջեյհուն Բայրամովի հետ ճեպազրույցում օգտագործել է Շուշի և Ստեփանակերտ անվանումները, ինչի պատճառով «արժանացել է Բայրամովի հանդիմանությանը»:

Ադրբեջանցի պաշտոնյան գերմանացի գործընկերոջից պահանջել է «հարգել Ադրբեջանի տարածքային ամբողջականությունը»:

Բերբոքը, իր հերթին, նշել է, որ Գերմանիան միշտ աջակցել է Ադրբեջանի տարածքային ամբողջականությանը և Ղարաբաղը միշտ համարել Ադրբեջանի մաս: Նա նաև նշել է, որ Հարավային Կովկասի տարածաշրջանը հետաքրքրություն է ներկայացնում Եվրոպայի համար, ինչպես նաև այստեղ կան տնտեսական համագործակցության հեռանկարներ։