Դատախազներին ժամկետից շուտ ազատում ե՞ն աշխատանքից, թոշակ չստանալու համար. «Ժողովուրդ»
«Ժողովուրդ» օրաթերթը գրում է.
Օրաթերթը ՀՀ դատախազության համակարգից ահազանգեր է ստացել առ այն, որ Գլխավոր դատախազ Աննա Վարդապետյանը թոշակի գնացող դատախազներին ժամկետից շուտ ազատում է պաշտոններից, որպեսզի նրանք հետագայում թոշակ չստանան:
Մասնավորապես՝ համակարգում կան դատախազներ, որոնց թոշակի գնալուն դեռ 5-6 ամիս ժամանակ կա, սակայն նրանք արդեն ազատվել են պաշտոնից:
Դատախազությանը դիմեցին պարզաբանման համար, որտեղից ստացվեց հետևյալ պատասխանը.
«Դատախազությունում Ձեր կողմից նշված նպատակով ազատումներ չեն լինում: Եթե լինում են ազատումներ (որոնց մասին Գլխավոր դատախազությունը մշտապես իրազեկում է), ապա դրանք տեղի են ունենում բացառապես «Դատախազության մասին» օրենքով նախատեսված հիմքերով»:
