Լրագրողի ու խմբագրի դեմ դատական հայց՝ Ալեն Սիմոնյանից
Ազգային ժողովի նախագահ Ալեն Սիմոնյանը վիրավորանքի հիմքով հայց է ներկայացրել ընդդեմ պատգամավոր Աննա Մկրտչյանի և Hayeli.am կայքի գլխավոր խմբագիր Անժելա Թովմասյանի։ Այս մասին Սիմոնյանը գրել է իր Telegram-ի էջում։
«Երեկ իմ կողմից ևս երկու հայց մուտք արվեց դատարան, մեկը Աննա Մկրտչյանի դեմ, մյուսը՝ Անժելա Թովմասյանի: Երկուսն էլ վիրավորանքի հիմքով: Ի դեպ, Ա. Մկրտչյանի դեպքում սա արդեն երկրորդն է: Իսկ Ա. Թովմասյանի դեմ՝ առաջինը. գիծ կար՝ պետք չէր անցնել տիկին: Պետք է հասկանաք, որ եթե այլևս Հայաստանում մարդկանց չեն ծեծում, դա ոչ մեկին իրավունք չի տալիս աջ ու ձախ վիրավորել: Ասօրվանից գնացեք ու մտածեք, թե ինչ ձևակերպումներ եք տալու, ում եք մեղադրելու, եթե դատարանը պարտադրի ձեզ ներողություն խնդրել, բայց վերջում, միևնույնն է, խելոք ներողություն եք խնդրելու»,- մանրամասնել է ԱԺ նախագահը:
